Коронавирус вакцинатын баҕалаах эрэ киһиэхэ биэрэллэр. Онуоха дойду доруобуйа харыстабылын министиэристибэтэ маннык категорияҕа вакцинаны биир бастакынан туруорарга сүбэлээтэ:
Бастатан туран мэдэссиинэ уонна үөрэх эйгэтин үлэһиттэригэр биэриэхтэрэ. Көлө, энергетик, нэһилиэнньэҕэ өҥөнү оҥорор тэрилтэ, баахта ньыматынан үлэлиир дьон, быраабы араҥаччалыыр уорган сотрудниктара, кыраныыссаҕа үлэлиир дьон, судаарыстыбаннай уонна муниципальнай сулууспалаахтар, байыаннайдар, аармыйаҕа ыҥырыллыбыт уолаттар, 18 саастарын туолбут устудьуоннар, дьарҕа ыарыылаахтар, ол иһигэр тыынар уорганнара мөлтөх, сүрэх, хаан баттааһына ыарыылаахтар, сахарнай диабеттаахтар уонна уойууннан ыалдьр дьон, социальнай тэрилтэлэргэ олорор гражданар.
Вакцинаны анал лиссэнсийэлээх эмп тэрилтэлэригэр эрэ туруораллар. Үөһэ ыйыллыбыт категорияларга быһыыны буор-босхо биэрэллэр. Онуоха ханнык да утарар көрдөрүүтэ суох буолуохтаахтар. Вакцинаны ыларга учаастактааҕы балыыһаҕа барыахха наада. Тэрилтэлэр үлэһиттэрин маассабайдык вакцинациялаталларыгар эмтиир тэрилтэни кытары дуогбар түһэрсэн ыҥырыахтарын сөп. Быһыыны ылыах иннинэ хайаан да быраас көрүүтүн аһыахтааххыт. Быһыыны ылбыкытын кэннэ Госуслугаҕа "Кэтээн көрүү дневнигэ" диэни киирэн толороҕут. Сиһилии 8-800-100-14-03 диэн Саха сиринээҕи доруобуйа харыстабылын министиэристибэтин итии лииньийэтигэр суукка устата эрийэн билсиэххитин сөп.
