Саха сиригэр ыччат хамсааһынын 100 сылыгар анаан Ыччат министиэристибэтэ бөдөҥ тэрээһиннэри иилээн ыытыаҕа. Бу туһунан миниистир Степан Саргыдаев иһитиннэрэр.
"Үбүлүөйдээх тэрээһиннэр чэрчилэринэн интерактивнай кинигэ тахсыаҕа, Ыччат Съеһэ ыытыллыаҕа. Ыччат хамсааһынын 100 сылыгар анаан улуустар бэйэлэрин бас-көс ыччаттарын кэпсиир флешмобу саҕалаатылар. Ол түмүгүнэн видеоматырыйаал бэлэмнээн таһаарыахпыт", - диэн миниистир Саргыдаев эппит. Тэрээһиннэр бу дьыл муус устарыттан саҕаланыахтара.
Санатар буоллахха, быйыл Саха сиригэр иитии биир кэлим эйгэтэ таҥыллыахтаах. Онуоха оробуочай бөлөх Саха сиригэр оҕону уонна ыччаты иитии кэнсиэпсийэтин бырайыагын бэлэмниэхтэрэ.
