Өрөспүүбүлүкэтээҕи хоруона хамсыгын бохсор суһал штаба иһитиннэрэринэн, Саха сиригэр олунньу 2 күһүнээҕи туругунан, эбии 108 киһи хамсыкка хаптарбыт.
Ол курдук, киин куораппытыгар 40 киһи ыалдьыбыт. Мииринэй улууһугар — 26, Томпоҕо — 10, Нерюнгрига — 8, Мэҥэ Хаҥаласка — 7, Өлүөхүмэҕэ — 4, Ньурбаҕа — 3, Ленскэй, Чурапчы улуустарыгар — иккилии, Алдан, Амма, Булуҥ, Бүлүү, Орто Халыма, Хаҥалас улуустарыгар биирдии киһи ыалдьыбыттара бигэргэммит. Суукка устата коронавирус 702 анаалыһын чинчийбиттэр, уопсайа хамсык саҕаланыаҕыттан 923719 тест ыытыллыбыт.
Олунньу 2 күнүнээҕи туругунан, өрөспүүбүлүкэҕэ коронавирус дьаҥын утары быһыыны 20485 киһи ылбыт, ааспыт сууккаҕа — 870 киһи. Вакцинацияны бары улуустарга уонна Дьокуускайга оҥороллор. Саамай элбэх киһи Дьокуускайга быһыыны ылбыт — 7907, Нерюнгрига — 1002, Алдаҥҥа — 8420, Бүлүүгэ — 766. Төһө да сөптөөх вакцина тиэрдиллибитин үрдүнэн, ордук аҕыйах быһыыны Булуҥҥа — 55, Аллараа Халымаҕа — 30, Өлүөхүмэҕэ — 108 уонна Дьааҥыга — 255 ылбыттар.
