Ааспыт суукка устатыгар Саха сиригэр 63 киһи эбии коронавирустаабыта биллибит. Бу туһунан эрэгийиэннээҕи хоруона хамсыгын бохсор суһал штаб иһитиннэрэр.
Ол курдук, ордук элбэх киһи буоларын курдук Дьокуускайга ыалдьыбыта бигэрэгэмит — 25 ыарыһах. Аҕыстыы киһи Мииринэй уонна Өймөкөөн улуустарыгар, 7 — Томпо улууһугар ыалдьыбыттар. Үс киһи Нерюнгрига, иккилии ыарыһах — Амма, Мэҥэ Хаҥалас, Орто Халыма, Уус Алдан улуустарыгар ыалдьыбыттар. Биирдии ыарыһаҕы Алдан, Дьааҥы, Бүлүү уонна Ленскэй улуустарыгар булбуттар. Суукка устатыгар өрөспүүбүлүкэ лабораториялара 545 коронавирус анаалыһын чинчийбиттэр уопсайа хамсык саҕаланыаҕыттан маннык 947802 анаалыс ыытыллыбыт.
