Сотору тыынар салгыммыт иһин харчы төлөтөөрү тииһэллэрэ буолуо. Арассыыйа үс эрэгийиэнигэр – бу дьыл ыам ыйын 1 күнүттэн саҕалаан, өссө биир эрэгийиэҥҥэ – от ыйын 16 күнүттэн сынньаныы иһин нолуок төлөтөргө быһаарбыттар. Онтулара эспэримиэн диэн ааттаах.
Чопчулаатахха, "куруорт сбора" диэн нолуок Краснодар, Ставрополь, Алтай уонна Крым куруортарыгар киирэр. Быйылгы нолуок суумата биир сууккатыгар 50 солк. үрдүө суохтаах диэн. Кэлэр сылтан муҥутуур үрдүк суума 100 солк. буола эбиллэр.
Бу маннык нолуогу 18 сааһын туолбут хас биирдии сынньанааччы төлүүр. Арай тииһиммэт-түгэммэт олохтоохтор, Аҕа дойду сэриитин бэтэрээннэрэ, спортсменнар уонна сбор олохтоммут эрэгийиэннэригэр бастайааннай төрүккэ олорооччулар уо.д.а. бу нолуоктан босхолоноллор эбит.
Тустаах нолуоктан киирбит үп куруортары сайыннарыыга: куорат пааркаларын тупсарыыга, бэрээдэги тутууга, сибэкки кулуумбаларын олордууга уо.д.а. туттар буолаллар. Эспэримиэн 4 сылга ыытыллара быһаарыллыбыт.
Өскөтүн сынньалаҥ иһин нолуогу хомуйуу түмүгүн бырабыыталыстыба өйүүр түгэнигэр ити нолуогу дойду бүттүүнүн үрдүнэн киллэрэргэ суоттаналлар.
Маныаха Краснодар кыраайыгар киириэхтээх сынньаныы иһин нолуогу хомуйууну Аан дойду футболга чөмпүйэнээтин кэмигэр ( бэс ыйын 14 күнүттэн от ыйын 15 күнүгэр диэри) тохтотон эрэргэ быһаарбыттар
