Саха сиригэр хоруона хамсыгын хааччахтара кулун тутар 31 күнүгэр дылы уһатылынна. Маныаха туһааннаах уураахха Ил Дархан Айсен Николаев илии баттаабыт.
Инньэ гынан, 65 саастарыттан үөһээ саастаахтар, дьарҕаа ыарыылаахтар дьиэҕэ олоруу эрэсиимин тутуһуохтаахтар.
Түүҥҥү кулууптар, караоке-саалалар, саататар уонна сынньалаҥ тэрилтэлэрэ, ол иһигэр эргиэн кииннэригэр баар итинник тэрилтэлэр ый бүтүүтүгэр дылы хааччахтаналлар. Хамсык халбарыйан эрэринэн сибээстээн, кэккэ хааччахтар сымнаатылар.
Суһал ыстаап көҥүлүнэн уонна Роспотребнадзор ыйыытын туһанан туран кулун тутар 16 күнүттэн улуустарга ыытыллар бөдөҥ тэрээһиннэр, кэмпириэнсийэлэр, форумнар, култуурунай, сырдтар дьаһаллар ыытыллар буолуохтара. Киинэ тыйаатырдарыгар уонна тыйаатырдарга, кэнсиэртэргэ саалаҕа 75 бырыһыан көрөөччүнэн толоруу көҥүллэннэ. Сынньалаҥ пааркалара, аттракционнар социальнай дистанцияны, мааска эрэсиимин тутуһан туран үлэлииллэрэ көҥүллэннэ. Сарсыҥҥыттан ыла булгуччулаах дезинфекцияны ыытыы чааһа бэйэ көрүүтүнэн ыытыллар буолбут.
