Арассыыйаҕа бу чугас кэм иһинэн сокуонунан көҥүллээх (легальнай) сиэкис-куукулалардаах уон бордель аһыллар буолбут. Бастакы оннук бордель Москубаҕа быйыл муус устар бүтүүтэ килийиэннэри көрсөргө бэлэм буолуо диэбиттэр.
Официальнай көҥүллээх публичнай дьиэ “Москва-Сити” оройуонугар аһыллар. Тута сэрэппиттэр: манна кэрэ аҥаардар өҥө оҥорботтор, кинилэри дьиҥ дьахтарга дьүөрэ сиэкис-куукулалар солбуйуохтаахтар үһү. Тэрийээччилэр этэллэринэн, куукулалар тыыннаах курдук хамсыыллар, киһи этин тэмпэрэтиирэтин курдук сылаастар. Ону ааһан ускуустубаннай өй дуомнаахтар.
Бу өҥөнү туһаныы иһин сыаната төһө-хачча буолар эбитий диэтэххэ, нүөмэр арыандата биир чааһыгар 1,5-2,5 тыһ. солк. халбаҥныыр. Куукулатын кытта холбоон сыана 5 тыһ. солк. диэн, сыаната, тарыыба хайыы-үйэ биллибит.
Маннык өҥөнү толкуйдаан олоххо киллэрээччилэр маннык тэрилтэлэр дойду олохтоохторун сексуальнай олоҕор сэргэхсйиини киллэриэ, улахан куораттарга кистэлэҥинэн үлэлиир боростотууккалары утары охсуһууга төһүү буолуохтара дэһэллэр эбит. Бу туһунан www.9111.ru юридическай социальнай ситим суруйар.
