Дьокуускай уонна Нерюнгри аэропортара өрөмүөҥҥэ баралларынан, Саха сиригэр саппаас аэропордунан Мииринэй куоран аэрпорда буолуоҕа. Премьер Андрей Тарасенко көлө министиэристибэтигэр Саха сиригэр көтөр авиахампаанньалары кытары бииргэ кыттыһан саамай табыгастаах графигы оҥороллоругар сорудахтаата.
Муус устар 1 күнүгэр тойон Тарасенко видеоконференц сибээһинэн эрэгийиэннээҕи аэропортар үлэлэрин, аэропорт ылар түһээнин кээмэйин уонна авиауматык тула мунньаҕы ыыппыт. Ордук болҕомтону федеральнай бүддьүөттэн аэропортарга көрүллэр субсидияны улаатыннарыыга уурбут.
"Аэропорты Севера" федеральнай хааһына тэрилтэтин генеральнай дириэктэрэ Вадим Волков иһитиннэрбитинэн, өрөспүүбүлүкэҕэ 2024 сылга дылы 15 аэрпортка чөлүгэр түһэрии үлэлэрэ ыытыллыахтаах. Ол иһигэр саҥа балаһалары уонна вокзал дьиэлэрин тутуу. Кини 2016 сылтан ыла федеральнай бүддьүөттэн көрүллэр үп намтыы турарын бэлиэтээбит.
Мунньахха "Полярные авиалинии" генеральнай дириэктэрин э.т. Андрей Корякин, "Дьокуускай аэропорда" АУо генеральнай дириэктэрэ Сергей Игнатенко уонна "Якутия" авиахампаанньа генеральнай дириэктэрэ Владимир Горбунов тыл эппиттэр.
Андрей Тарасенко Нерюнгри уонна Дьокуускай аэропортарыгар өрөмүөн үлэлэрэ баралларынан, саппаас аэропордунан Мииринэй порда буоларын эттэ, онуоха көлө министиэристибэтэ хампаанньалары кытары бииргэ саамай табыгастаах графигы оҥороллоругар сорудахтаата.
