Өрөспүүбүлүкэтээҕи хоруона хамсыгын бохсор суһал ыстаап иһитиннэрбитинэн, Саха сиригэр ыам ыйын 3 күнүнээҕи туругунан, эбии 97 киһи ыалдьыбыт.
Ол курдук, Дьокуускайга — 53, Мэҥэ Хаҥаласка — 32, Аммаҕа, Бүлүүгэ, Намҥа, Сунтаарга — иккилии, Алдаҥҥа, Кэбээйигэ, Горнайга, Уус Алдаҥҥа — биирдии киһи ыалдьыбыттар.
Суукка устатыгар өрөспүүбүлүкэ лабораториялара 649 коронавирус анаалыһын оҥорбуттар, хамсык туруоҕуттан 1058451 маннык анаалыс ыытыллыбыт.
Стопкоронавирус.рф федеральнай саайт дааннайдарынан, ыам ыйын 2 күнүнээҕи туругунан, Саха сиригэр уопсайа 35401 киһи ыалдьыбыт, 33121 киһи үтүөрбүт уонна 606 киһи суорума суолламмыт.
