А.С. Пушкин аатынан нуучча судаарыстыбыннай драматическай тыйаатыра бэс ыйын 1 күнүгэр диэри сабылынна, диэни иһитиннэрдэ тэрилтэ салалтата.
«Биһиги Дьокуускай куоракка өрө тыҥаабыт хамсык балаһыанньатыттан ситимнээн итиэннэ ыалдьыбыт дьон ахсаана элбээн сабылынныбыт. Билиҥҥи кэм туругунан бэс ыйын 1 күнүгэр диэри», - диэн иһитиннэрдилэр тыйаатырга.
Испиктээхтэргэ атыылыаһыллыбыт билиэттэр дьиҥ күүстэрин сүтэрэ иликтэр, көннөрү буолар күннэрэ көһөрүлүннэ. Туруоруулар саҥа кыраапыктарын туһунан эбии иһитиннэрии тахсыаҕа.
Ону таһынан тыйаатырга ыам ыйын 19 күнүттэн хамсыгы утары быһыыны ылыан баҕалаах дьоҥҥо эбии пуун арыллар.
Эрдэ биллэриллибитин курдук, Саха сирин аҕа баһылыга хамсыгы утары быһыыны күргүөмнээн ыларга ыҥырбыта. Быһыыны ылар пууннар ахсааннара уэлбиир – үлэ күнүгэр уонна өрөбүллэргэ сарсыарда 8.00. чаастан киэһэ 20.00. чааска диэри. Эбии өссө саҥа пууннар арыллыахтара, ол иһигэр “Мои документы” МФЦ офистарыгар уонна бааннарга. Ону таһынан хамсыгы утары быһыы ылар пууннар Дьокуускай куорат автовокзалыгар уонна тимир суол вокзалыгар Аллараа Бэстээххэ , култуура тэрилтэлэригэр, атыы кииннэригэр арыллыахтара.
