Муус устар 26 күнүгэр Хотугу Осетия-Алания киинигэр Владикавказка суруналыыстар “Национальной бэчээт аныгы туруга уонна сайдар кэскилэ” диэн норуоттар икки ардыларынааҕы конференциялара буолан ааста.
Туһааннаах тэрээһин Хотугу Осетия “Рæстдзинад” диэн хаһыата төрүттэммитэ 95 сылын бэлиэтээһин чэрчитинэн ыытылынна. Саха сириттэн конференция модераторын, координаторын быһыытынан Арассыыйа национальнай СМИлэрин ассоциациятын салайааччыта, “Ситим” медиа бөлөх генеральнай дириэктэрэ Мария Христофорова уонна “Кыым” хаһыат сүрүн эрэдээктэрэ Иван Гаврильев кыттыыны ыллылар.
Хаартыскаҕа Мария Христофорова Хотугу Осетия бырабыыталыстыбатын бэрэссэдээтэлин солбуйааччы Анатолий Поляковка, өрөспүүбүлүкэ баһылыгар тиэрт диэн, чороон туттарар.
