Ааспыт сууккаҕа өрөспүүбүлүкэҕэ эбии 95 киһи хоруона хамсыгар хаптарбыта биллибит. Бу туһунан брифинг кэмигэр Ольга Балабкина иһитиннэрдэ.
Ол курдук, киин куораппытыгар 57 киһи ыалдьыбыт. Сэттэ ыарыһаҕы Аладҥҥа, биэстии ыарыһаҕы Мэҥэ Хаҥаласка, Мииринэйгэ уонна Нерюнгрига бигэргэппиттэр. Өссө 4 киһи Эбээн Бытантайга, 3 ыарыһах - Бүлүүгэ, иккилии ыарыһах Өймөкөөн, Сунтаар, Уус Алдан уонна Чурапчы улуустарыгар бигэргэммиттэр. Биир киһи Үөһээ Бүлүүгэ ыалдьыбыт. Ольга Балабкина эппитинэн, бүтэһик нэдиэлэҕэ 11 улууска биир да ыарыһах булуллубатах.
