LifeHunters саайт исписэлиистэрэ 100 сааһыгар тиийбит 100 киһи ортотугар ыйытык оҥорон баран, маннык түмүккэ тиийэн кэллилэр...
“100 саастарыгар тиийбит дьон бары кэриэтэ олоххо аһара “позитивнай” сыһыаннаах, туохха барытыгар үчүгэйи эрэ булан көрөр уратылаах эбиттэр. Кинилэр бары бэйэлэрин дьиҥнээх саастарыттан 20-30 сыл балыс курдук сананаллар. Чахчы, кинилэр хааннарын баттааһына, уҥуохтара-былчыҥнара, доруобуйаларын туруга барыта оннугун биомаркердар бигэргэтэллэр.
Уһун үйэлээх дьон ортотугар анаан-минээн успуордунан дьарыктаммыт, чөл олоҕу тутуһа сатаабыт киһи суох. Бары дьиэтээҕи боростуой аһылыгы аһаабыттар, үгүстэрэ табахтыыр, арыгылыыр да эбиттэр. Бу дьон, төһө да эрдэрэ-ойохторо өлбүттэрэ быданнаабытын иһин, кинилэр тустарынан наар үчүгэйи, истиҥи-иһирэҕи эрэ ахталлар-саныыллар. Ону таһынан, кинилэр быдан былыргыга батыллан, бүдүгүрэн хаалбыт дьон буолбатахтар, аныгы олоҕу эмиэ аһара интэриэһиргииллэр.
Атыннык эттэххэ, исписэлиистэр быһаарбыттарынан, урукку олох туһунан үтүө өйдөбүл, өй үлэтинэн дьарыктаныы, олоҕу кытта тэҥҥэ хаамсарга дьулуһуу киһи үйэтин уһатар эбит.
