Саха сиригэр ааспыт сууккаҕа эбии 93 киһи хоруона хамсыгар хаптарбыт. Бу туһунан брифинг кэмигэр Ольга Балабкина иһитиннэрдэ.
Ол курдук, Дьокуускайга 54 киһи ыалдьыбыт. Алталыы ыарыһаҕы Бүлүүгэ уонна Мииринэй улуустарыгар булбуттар. Түөртүү ыарыһах Мэҥэ Хаҥалас, Нерюнгри уонна Алдан оройуоннарыгар бигэргэммит. Үстүү киһи Уус Алдан, Эбээн Бытантай, иккилии ыарыһах — Амма, Сунтаар, Хаҥалас уонна Чурапчы улуустарыгар булуллубут. Биир киһи Нам улууһугар ыалдьыбыт. Суукка устатыгар өрөспүүбүлүкэ лабораториялара 2764 коронавирус анаалыһын чинчийбиттэр. Уопсайа хамсык саҕаланыаҕыттан 1 мөл.172 тыһ. 111 маннык анаалыһы оҥобуттар.
