Саха сирин бүддьүөтүттэн тус сыаллаах үөрэх миэстэтигэр быйыл бырамыысалыннас салааларын идэлэригэр квотаны улаатыннардылар.
Инньэ гынан, быйыл 43 миэстэҕэ тус сыаллаах бырагырааманан үөрэнэр кыахтаннылар. Маныаха тус сыаллаах миэстэнэн киирбит абитуриент хайаан да 3 өрүттээх дуогабары түһэрсэр уонна дьупулуом ылбытын кэннэ булгуччу үлэлиир. Ону тутуспатаҕына туох баар харчытын бэйэтин хармааныттан бүддьүөккэ төннөрөр.
Арассыыйа үрдүк үөрэҕин кыһаларыгар докумуоннары тутуу бэс ыйын 20 күнүттэн саҕаламмыта. Оттон тус сыаллаах бырагырааманан туттарсар абитуриеннар докумуоннарын өрөспүүбүлүкэтээҕи тутар хамыыһыйаҕа от ыйын 11 күнүгэр дылы туттарыахтаахтар. Онуоха абитуриент маннык хамсаныылары оҥорор: СКЭ түмүгүн билэр, үөрэх министиэристибэтин саайтыгар киирэн "План набора на целевое обучение..." бырайыагы кытары билсиэхтээх, үөрэх кыһатыгар докумуоннарын туттарар, өрөспүүбүлкэтээҕи хамыыһыйаҕа эмиэ саайка киирэн угар, ол кэннэ түмүгү министиэристибэ саайтыгар билэн баран дуогабар баттаһар.
