Ааспыт сууккаҕа өрөспүүбүлүкэҕэ эбии 96 киһи хоруона хамсыгар хаптарбыт. Бу туһунан брифинг кэмигэр Ольга Балабкина билиһиннэрдэ.
"От ыйын 2 күнүнээҕи туругунан, Дьокуускайга 56 киһи ыалдьыбыт. Элбэх киһи Эдьигээн улууһугар ыарыйда, онно уон ыарыһаҕы буллулар. Нерюнгрига —5, Алдаҥҥа, Аммаҕа, Үөһээ Бүлүүгэ уонна Ленскэйгэ 4-түү киһи ыалдьыбыт. Иккилии киһи Уус Алдаҥҥа уонна Хаҥаласка бигэргэммит, биирдии ыарыһаҕы Үөһээ Халымаҕа, Бүлүүгэ, Кэбээйигэ, Намҥа уонна Өймөкөөн улуустарыгар буллулар", - диэн вице-премьер эттэ.
Маны таһынан, бэҕэһээҥҥиттэн өрөспүүбүлүкэҕэ хоруона хамсыгыттан өрүттүбүт дьоҥҥо диспансеризацияны ыытыы саҕаланна. Онуоха дойду доруобуйа харыстабылын кытары ити сыалга туһанарга эбии харчыны көрөллөрүн туһунан сөбүлэҥ түһэрсиллибит. Билигин улуус кииннэммит балыыһалара диспансеризацияны ыытарга толору бэлэмнээх олороллор.
