«Якутия 24» тэлэбиидэнньийэ ханаалын урукку дириэктэрэ Алексей Соколов, Дьокуускай куорат аҕа баһылыгын пресс-секретарынан ананыаҕа.
Кини эттэ: «Саҥа үлэбэр киирэн эрэбин, саҥа кэллиэгэлэрбин кытары билсэбин. Аныгыскы бэнидиэнньиктэн пресс-секретарь эбээһинэстэрин толорбутунан барыаҕым».
Оттон бу кэмҥэ, Евгений Григорьев билиҥҥи пресс-секретара Алексей Толстяков, кини «Анаабыр Алмаастара» пресс-сулууспатыгар баран эрэрин туһунан киэҥ сырдатар эйгэҕэ тарҕанан эрэр сурахтары мэлдьэстэ.
“Бу сымыйа сурах. Мин “Анаабыр Алмаастара” тэрилтэҕэ барбаппын”, - диэн бэлиэтээтэ Толстяков уонна уурайан ханна барарын туһунан иһитиннэриини кэлин биллэриэх буолла.
Алексей Толстяков уокуруктааҕы дьаһалта пресс-секретарынан, Дьокуускай куорат баһылыга Сардаана Авксентьеванан 2018 сыллаахха анаммыта.
Эрдэ сырдатыллыбытынан, Алексей Соколов тэлэбиидинньийэттэн уурайарын туһунан ыам ыйын 1 күнүгэр биллэрбитэ, “дьиэ кэргэммэр болҕомтобун ууруом этэ”, - диэн бэлиэтээн туран.
Соколов оннугар, Марианна Тарасова анаммыта.
