Сүрүннүүр бибилэтиэкэр Матрена Охлопкова, УФСИН үлэһиттэригэр нуучча улуу бэйиэтэ А.С. Пушкин аан дойдутааҕы култуураҕа уонна литератураҕа сүҥкэн оруолун уонна көмүс кылаатын туһунан литературнай чаас ыытта. Сөбүлээн аахпыт кинигэлэрбит Күннэригэр анаммыт култууранай тэрээһиҥҥэ УФСИН үгүс үлэһиттэрэ уонна буруйданааччылар, биэдэмистибэ бары салааларыгар бэрт көхтөөхтүк кытыннылар.
Матрена Охлопкова УФСИН үлэһиттэрин иннигэр, А.С. Пушкин олоҕуттан биллибэт үгүс интириэһинэй чахчыны кэпсээтэ, айар үлэтин күүстээх, чаҕылхай өрүттэрин сырдатта, ыалдьыттар иннилэригэр бэйиэт чулуу хоһооноруттан быһа тардан аахта.
Литературнай чаас кэнниттэн, полиция үлэһиттэрэ, улуу бэйиэт өлбөөдүйбэт айымньыларын прозаҕа уонна поэззияҕа хомуруунньуктарын кытта билистилэр.
Бу сырдык тэрээһин сыалынан –соругунан, ыччаты уонна улахан дьону нуучча классиктын кытта ыкса билиһиннэрии, сырдыкка-кэрэҕэ угуйуу, киһини киэҥ далааһыннаахтык толкуйдуур буоларга үөрэтии, бэйэҥ тула билиини кэҥэтии буолла диэн бэлиэтиэхпитин баҕарабыт.
Арассыыйатааҕы УФСИН Саха сиринээҕи пресс-киинэ
