Ааспыт сууккаҕа Саха сиригэр эбии 139 киһи хоруона хамсыгар хаптарбыта бигэргэммит. Бу туһунан хамсыгы бохсор өрөспүүбүлүкэтээҕи суһал ыстаап иһитиннэрэр.
Ол курдук, Дьокуускайга 69 киһи ыалдьыбыт, Мииринэйгэ — 19, Нерюнгрига — 8, Ленскэйгэ —7, Мэҥэ Хаҥаласка — 5. Түөртүү ыарыһаҕы Амма уонна Ньурба улуустарыгар, үстүү — Алдан, Сунтаар, Таатта, Хаҥалас уонна Чурапчы улуустарыгар, иккилии — Бүлүү, Нам уонна Уус Алдан улуустарыгар, биирдии ыарыһаҕы Булуҥҥа уонна Өлүөхүмэҕэ бигэргэппиттэр.
Суукка устатыгар 886 коронавирус анаалыһын оҥорбуттар, уопсайа хамсык саҕаланыаҕыттан 1 287 511 маннык чинчийиини ыыппыттар.
