Атырдьах ыйын 16 күнүттэн Роспотрбнадзор дьаһалынан Саха сиригэр хоруона хамсыгыттан булгуччулаах быһыыны ылыахтаах тэрилтэ үлэһиттэрин бэрэбиэркэлээбитинэн барыахтара.
Бэрэбиэркэ кэмигэр ордук болҕомтону быһыыны ылан испэт улуустарга ууруохтара. Онно Үөһээ Бүлүү, Нам, Нерюнгри, Таатта, Чурапчы улуустара киирсэллэр. Бу туһунан Ил Дархан уонна бырабыыталыстыба дьаһалтатын пресс-сулууспата суруйар. Билигин өрөспүүбүлүкэҕэ быһыыны ылыахтаах дьон бырыһыана 69,15% тэҥнэспит. Быһыыны ылыы тэтиминэн Саха сирэ дойдуга 13-м миэстэҕэ турар.
Бүгүн өрөспүүбүлүкэҕэ эбии 140 киһи хоруона хамсыгар хаптарбыта билиннэ. Дьокуускайга 75 киһи ыалдьыбыт. Ыарыһах ахсаана Алдан, Мэҥэ Хаҥалас, Мииринэй, Нерюнгри, Сунтаар, Таатта, Уус Алдан улуустарыгар эбиллэ турар. Ыстатыыстыка көрдөрөрүнэн, быһыыны биэрии бытаарбыт улуустарыгар ыарыһах ахсаана улаата турар. Санатар буоллахха, бу иннинэ Роструд үлэни биэрээччи атырдьах ыйын 15 күнүттэн быһыыны ылбатах, медоотовода суох үлэһити туоратын сөбүн сөптөөҕүнэн аахпыта.
