Атырдьах ыйын 14 күнүттэн "Саха сирин тимир суоллара" хампаанньа Аллараа Бэстээх-Владивосток хайысханан уларыйан олоруута суох эбии вагоннарга билиэт атыылыыр. Бу хайысханан билиэт итии бэрэски курдук олох былдьаһык, атыыга таҕыста да, сонно тута бүтэн иһэр. Ол иһин эбии вагоннары ыыталлар.
Ол курдук, Аллараа Бэстээхтэн Уһук Илин киин куоратыгар дылы атырдьах ыйын 17 уонна 25 күннэригэр пуойас хоҥнуоҕа, оттон Владивостоктан атырдьах ыйын 20 уонна 28 күннэригэр төннөр. Аллараа Бэстээхтэн Владивостокка дылы 2,5 суукка айанныыр.
Билигин атырдьах ыйын 25 күнүнээҕи эриэйсэҕэ купеҕа билиэт атыыга баар. Плацкартка билиэт маннааҕар элбэх. Плацкартака айан сыаната 5333 солк. Владивостокка дылы айанныыр вагоннар кондиционердаахтар, биотуалеттар бааллар, төлөппүөнү ииттэрэргэ розеткалар бааллар. "Аллараа-Бэстээх-Тында" хайысхатынан айанныыр №327/328 вагоҥҥа эрэстэрээн баар.
Айанньыттарга анаан өрүс пордуттан Аллараа Бэстээх вокзалыгар дылы трансфер сылдьар, Руковиников теплоходка 3-с №-дээх тиксииттэн (причал) олорсоҕут. Трансфер сыаната 450 солк.
Билиэттэри "ЖДЯ" кассаларыттан, Алдан, Томмот, Аллараа Бэстээх вокзалларын кассаларыттан, Дьокуускайга Ленин бэр.24 атыылаһыаххытын сөп.
Маны таһынан бу саайтан киирэн ылаҕыт: www.ticket.rzd.ru Сиһилии билсэр төл: 8(4112)31-80-81, 8-800-775-00-00.
