Дьокуускай аэропордугар МЧС икки Ил-76 сөмөлүөтэ баһаары бохсууга кэлэн түстэ. Бу туһунан Айсен Николаев иһитиннэрдэ.
Сөмөлүөттэр Росрезервэттэн баһаар хоромньутун бохсууга диэн таһаҕаһы аҕалла, ол иһигэр икки "Урал" массыына, сүгэ сылдьан баһаары умулларар тэриллэр, насос, балаакка, кэнсиэрбэ уо.д.а. наадалаах таһаҕас кэлэн сүөккэммит. Таһаҕаһы сүөккээн баран, сөмөлүөттэр Ногинскайдааҕы уонна Тулатааҕы быыһыыр этэрээттэри илдьиэхтэрэ.
