Киир

Киир

Саха сиригэр эһиил сыл бүтүөр диэри 11 тыһыынчаттан тахса ыалга “Социальнай гаастааһын” бырагыраама чэрчитинэн, күөх төлөн кириэҕэ. Ол туһунан СӨ Геологияҕа министиэристибэтин пресс-сулууспата сырдатар.

Гаас ситимин учаастак, уһайааба кыраныыссатыгар диэри босхо тардан бириэхтэрэ. Ол гынан баран, ол нэһилиэнньэлээх пууҥҥа урут гаас ситимэ кэлбит буолуохтаах. Туох да суох кураанах сиригэр тардыбаттар.

“Улуустары-нэһилиэктэри уонна гаас хампаанньаларын кытта инвентаризация боппуруоһунан ыкса үлэлэһэ олоробут, хас биирдии аадырыһы көрөбүт, ситими хаһан-хайдах тардарбытын былаанныыбыт”, - диэн миниистир Максим Терещенко этэр.

Санаттахха, быйыл дойду бэрэсидьиэнэ Владимир Путин 2022 сыл бүтүөр диэри урут гаас киирбит бөһүөлэктэригэр билигин даҕаны күөх төлөн ситимигэр холбоммокко олорор ыаллары ситимҥэ холбуу охсорго, тиэргэннэригэр диэри босхо тардарга соруйбута. “Үбүлээһинин тобулуҥ” диэн буолбута.

Холобур, Саха сиригэр ити бырагыраама олоххо киирэригэр 3 миллиартан тахса солкуобай ирдэнэр. Быйыл от ыйыгар СӨ бырабыыталыстыбата гаас киириэхтээх дьиэлэригэр субсидия көрөр туһунан быһаарбыта, ханнык нэһилиэктэр хабыллыахтарын сөбүн эппитэ. Ол курдук, “пилотнай” дэнэр бырайыакка Чурапчы улууһун Чурапчы, Дириҥ, Толоон, Туора Күөл, Үрүҥ Күөл бөһүөлэктэрэ, Бүлүү Дьөккөнө, Горнай Бэрдьигэстээҕэ уонна Ленскэй куорат киирбиттэрэ.

Тарҕат:

Санааҕын суруй