Нерюнгриттан чугас Чульман бөһүөлэгэр баар аэропорду уларытан оҥорууга 60 инженер, 234 оробуочай, 54 тиэхиньикэ үлэлиир. Күн бүгүн былааннаммыт үлэ 59,3 % туолбут. Графиктан хаалыы суох.
Бүгүн үлэ хаамыытын Ил Дархан Айсен Николаев көрдө-иһиттэ. Билигин ууну сүүрдэр холлоҕостору оҥоруу, көтөр балаһа алын бүрүөһүнүн кутуу уонна бетоннааһын, уотунан сэрэтэр тэрили туруоруу ыытыллар. Ол кэннэ тута лиссиэнсийэни ылыыга үлэлэһиэхтэрэ. Көлө миниистирэ Владимир Сивцев эппитинэн, аэропорт быйыл сэтинньигэ үлэтин сөргүтүөҕэ. 2022 сылга аэропорт үлэтигэр көмөлөһөр инфраструктураны: аэровокзал, ГСМ ыскылаатын, аварийнай-быыһыыр ыстаансыйа дьиэлэрин тутуу саҕаланыаҕа.Нерюнгри аэропорда сэтинньиттэн арыллыаҕа
