Саха сиригэр номнуо хаһыс да нэдиэлэтин хоруона хамсыгар хаптарбыт дьон ахсаана 135-140-тан түспэккэ турар.
Ааспыт сууккаҕа эбии 144 киһи ыалдьыбыта бигэргэммит. Уопсайа киин куораппытыгар уонна 25 улууска саҥа ыарыһахтар биллибиттэр: Дьокуускайга —81, Нерюнгрига — 8, Сунтаарга — 7, Мииринэйгэ — 4, Аллайыахаҕа, Бүлүүгэ, Ленскэйгэ, Намҥа, Уус Алдаҥҥа, Эбээн Бытантайга —3-түү, Алдаҥҥа, Булуҥҥа, Үөһээ Бүлүүгэ, Дьааҥыга, Эдьигээҥҥэ, Орто Халымаҕа, Тааттаҕа, Уус Майдаҕа, Хаҥаласка, Чурапчыга — 2-лии, Горнайга, Кэбээйигэ, Мэҥэ Хаҥаласка, Муомаҕа, Өлүөхүмэҕэ, Томпоҕо биирдии ыарыһахтары бигэргэппиттэр.
Суукка устатыгар өрөспүүбүлүкэ лабаратыарыйалара 3854 ПЦР анаалыһын оҥорбуттар.
