Саха сиригэр хоруона хамсыгыттан сылтаан дьон өлүүтэ тохтообот.
Вице-премьер Ольга Балабкина иһитиннэрбитинэн, быраастар түүннэри-күнүстэри дьон олоҕун быыһыырга туруулаһаллар, билигин балыыһаҕа сытар дьон баһыйар үгүстэрэ быһыыны ылбатах ыарыһахтар. Балаҕан ыйын 8 күнүгэр Саха сиригэр баар быһыыттан 69,2 бырыһыанын туһаммыттар. Бастакы дозаны 328442 киһи ылбыт, ревакцинацияны — 5607. Ааспыт сууккаҕа 148 киһи ыалдьыбыт. Ордук элбэх киһи Дьокуускайга ыалдьар. Бүгүн 84 киһи буолбут. Саҥа ыарыһахтар ортолоругар оҕолор суохтар диэн Балабкина эттэ.
