Мантан инньэ оскуола остолобуойдарыгар кэккэ бородуукталары боптулар. Ол курдук, иэдьэгэй, эт начыыҥкалаах блины, халбаһыы бары көрүҥэ, арыы кириэмнээх пирожнай, торт, быартан паштет бобуллубут. Кетчуп, майонез уонна тымныы мииннэр бу испииһэккэ эмиэ бааллар.
«Үөрэнээччилэри эриллибит эттээх, сымыыттаах мокоруонунан, ыһаарыламмыт сымыытынан, халадьыаһынан уонна окрошканан аһатар бобуллар», - диэн Роспотребнадзор иһитиннэрбит.
Санитарнай быраастар маны таһынан тэллэйи, сыаны, маргарины, элбэх арыыга буспут аһы көҥүллээбэтэхтэр. Испииһэккэ көтөр сымыыта, дьиикэй кыыл этэ, арахис, гаастаах утахтар, тууһаммыт оҕуруот аһа, кыбаас, кымыс, кофе, таас кэмпиэт киирбит. Аһы буһарыыга уксууһу, аһыы биэрэһи туттары эмиэ боппуттар.
Санатар буоллахха, быйылгы үөрэх дьылыгар алын кылаас оҕолорун барыларын итии аһылыгынан хааччыйыыга дойду үрдүнэн 4 млрд солк. көрүллүбүт.
