Бүгүҥҥү хоруона хамсыгын балаһыанньатын тула брифинг кэмигэр суһал ыстаап салайааччытын солбуйааччы, вице-премьер Ольга Балабкина хоруона хамсыгынан ыалдьыы тоҕо улаата турарын быһаарда.
Кини этэринэн, сүрүннээн оскуолаларга, орто анал, үрдүк үөрэх кыһаларыгар саҥа үөрэх дьыла саҕаланан, Саха сиригэр хоруона хамсыгынан ыалдьыы улааппыт. Онон кини "хайаан да санитарнай-эпидемиологическэй ирдэбиллэри тутуһаргытын санатабын, мааскалаах сылдьыҥ, социальнай арыты тутуһуҥ, уонна, биллэн турар, быһыыны күргүөмүнэн ылыҥ", - диэн тоһоҕолоон бэлиэтээтэ. Билигин өрөспүүбүлүкэҕэ быһыыны маассабайдык биэрии салҕанар. Балаҕан ыйын 10 күнүгэр 485155 вакцина кэлбит, онтон 69,5 бырыһыанын туһаммыттар. Быһыыны ылыы бастакы түһүмэҕин 331281 киһи ылбыт.
