Пермь куорат университетыгар буолбут быһылаан кэнниттэн М.К.Аммосов аатынан Хотугулуу-Илиҥҥи федеральнай университекка куттал суоһаабат миэрэлэрин кытаатыннардылар. Бу туһунан университет пресс-сулууспата иһитиннэрэр.
Санатар буоллахха, аан дойдуну аймаабыт бэҕэһээҥҥи алдьахайга 6 киһи өлбүтэ, 28 киһи эмсэҕэлээбитэ.
"ХИФУ уонна тус бэйэм ааппыттан Пермь судаарыстыбаннай универстетыгар суорума суолламмыт өлбүттээхтэргэ уонна эмсэҕэлээбиттэргэ дириҥ кутурҕаммын тиэрдэбин. Биһиги, университеттар, маннык алдьархайтан улаханнык хараастабыт, ханнык баҕарар батталы утарабыт. Эйэлээх олох кэмигэр дьон маннык алдьархайтан суорума суолланналлара өйгө баппат быһыы", - диэн ректор Анатолий Николаев эппит.
ХИФУ куорпустарыгар, уопсайдарыгар бэрэбиэркэни ыыппыттр. Харабынайдар суһал ыҥырыы туочукатын уонна видеонан кэтээн көрүүнү тургутан, бэрэбиэркэлээн көрбүттэр.
