Бу сарсыарда бассаапка бырабыыталыстыба бэрэссэдээтэлин солбуйааччы Ольга Балабкина биир кэрэспэдьиэҥҥэ хоруона хамсыгын туһунан интервью биэрбитин истэн улаханнык соһуйан,"шок"ылан сытабын.
Кэрэспэдьиэн кэлии дьон, миграннар тоҕо быһыыны ылбаттарый диэн ыйыппыттыгар, “миграннар ахсааннара аҕыйаҕа бэрт, онон кинилэр улахан оруолу ылбаттар”,- диэн туох да улахан суолтаны биэрбэккэ, кинилэр ылбаттара сөп курдук этэн саайда!
Кэрэспэдьиэн салгыы “онтон таксыыстар, атыыһыттар үксүлэрэ омуктар дии” диэбитигэр, төрүт да болҕомтотун уурбакка, олохтоохтор күүскэ быһыыны ылыахтаахтарын туһунан кэпсээн барда.
Бу аата тугуй? Кэлии дьон хамсыктан быһыыны ылбаттара тоҕо көҥүл буолуохтааҕый? Мин көрдөхпүнэ, атыы-эргиэн, таксыы, аһатар-сиэтэр сирдэр үксүлэрэ кэлии дьон буолбатахтар дуо? Онтон олохтоохтору ыгыы-түүрүү, үлэлэриттэн тохтотоору сор бөҕө. Бу аата тугуй? Олохтоохтор кэлиилэртэн туох итэҕэстээхпитий? Балабкина тугу туойар? Үрдүкү салалта киниттэн быһаарыытын ылыан, норуокка быһааран биэриэн наада. Ону ирдиэххэйиҥ. Сүрэ бэрт дии. Мин итини олохтоохтору сэнээһин курдук сыаналыыбын.
Бу суруйуубун биир эмэ киһи нууччалыы тылбаастаан тарҕатаргыт буоллар. Эбэтэр үрдүкү салалтабыт хотун Балабкина этиитигэр сөбүлүһэллэр дуу?
Уйбаан Пономарев, 83 саастаах хомойбут кырдьаҕас, Чурапчы.
