Саха сиригэр хоруона хамсыгынан ыалдьааччы ахсаана улаатан иһэр — биир күн иһигэр 231 киһи ыалдьыбыта билиннэ.
Хамсыгынан сутуллуу уопсай ахсаана 55449 буолла. Ордук элбэх киһи, мэлдьи буларын курдук, киин куораппытыгар ыалдьар —126 (биир күн иннинэ 124 этэ).
Суукка устатыгар өрөспүүбүлүкэ лабаратыарыйалара 5230 коронавируска анаалыс оҥорбуттар.
Хамсык саҕаланыаҕыттан 1 495 468 сутуллууну быһаарар чинчийии оҥоһуллубут.
Суһал ыстаап киинэ иһитиннэрэринэн, Саха сиригэр коронавирустан 8 киһи өллө, 3 киһи үтүөрдэ.
