"Госуслуги" порталга нэһилиэнньэ биэрэпиһин сахалыы тылынан ааһыахха сөп. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.
Инновация миниистирин солбуйааччыта Георгий Андреев "саха тыла биэрэпиһи ыытарга киирбит 10 тылтан биир официальнай тылынан киирдэ. Анкетаны толорорго электроннай көрүҥү талыахха наада" диир. Биэрэпиһи толорор киһи бэйэтэ планшеттаах буолуоҕа. Кинилэр сэтинньи 15 күнүгэр дылы интэриниэтинэн анкетаны толорбуттартан QR-кодтары хомуйуохтара.
Биэрэпис сүрүн түһүмэҕэ алтынньы 15-сэтинньи 14 күнүгэр дылы ыытыллыаҕа. Хас биирдии киһи биэрэпискэ киирэригэр маннык ньымалары туһаныахтарын сөп: дьиэтигэр биэрэпиһи ыытааччыны көрсөр, стационарнай пууннарга барыан сөп (олор МФЦга, Почталарга уонна Энергосбыт кассаларыгар бааллар).
Быйыл аан бастакытын "Госуслуги" нөҥүө ыытыллар. Ити ордук судургу.
