Ил Дархан Айсен Николаев бүгүн, алтынньы 13 күнүгэр, Абый улууһугар үлэлии көттө. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.
Кини улуус киинигэр Белай Гораҕа аэропорт саҥардыытын үлэтин хаамыытын кытары ыкса билсиэҕэ уонна улууска көтөр аалынан бородууктаны таһыы бэрээдэгин кытары билсиэҕэ. Маны таһынан эргиэн-логистика киинин үөрүүлээх аһыллыытыгар уонна "Российская энергетическая неделя" норуоттар икки ардыларынааҕы форум сессиятыгар видео сибээһинэн холбонон кыттыаҕа. Ону таһынан Абый улууһун социальнай-экэнэмиичэскэй сайдыытыгар туһуламмыт улахан мунньаҕы ыытыаҕа, ФАП, бэкээринэ, Кэбэргэнэҕэ тутулла турар успуорт саалатын уонна хочуолунайы көрүөҕэ.
