Саха сиригэр хамсык саҕаланыаҕыттан, сууккаҕа ыалдьааччы ахсаанынан хобдох рекорд олохтонно.
Ол курдук, өрөспүүбүлүкэтээҕи хамсыгы бопсор суһал ыстаап иһитиннэрбитинэн, ааспыт сууккаҕа 276 киһи ыарыйда.
Дьокуускайга 137 киһи ыарыйда. Улуустарга балаһыанньа маннык:
-Мэҥэ Хаҥалас — 14;
-Мииринэй, Нам улуустара — 11;
-Өймөкөөн — 10;
-Алдан, Чурапчы — 9;
-Нерюнгри — 8;
-Томпо — 7;
-Амма, Таатта — 6;
-Үөһээ Бүлүү, Бүлүү, Кэбээйи, Уус Алдан — 5;
-Ньурба – 4;
-Абый, Булуҥ, Дьааҥы, Хаҥалас — 3;
-Горнай, Ленскэй, Өлүөхүмэ, Орто Халыма, Сунтаар, Уус Майда — 2.
Суукка устатыгар өрөспүүбүлүкэ лабаратыарыйалара 5988 ПЦР анаалыһын оҥорбуттар.
Санатар буоллахха, бүгүҥҥүттэн Саха сиригэр QR-код систиэмэтэ саҕаланна. Алтынньы 20 күнүттэн бары тыйаатырдар, киинэ тыйаатырдара, түмэллэр, бибилэтиэкэлэр, култуура дьиэлэрэ, култуурунай-саататар тэрилтэлэр көрөөччүлэри QR-кодтаах (ону быһыыны ылбыттар уонна ыалдьыбыттар Госуслуги нөҥүө ылаҕыт) эрэ киллэриэхтэрэ.
