Үтүөрбүт дьон ахсаана ыалдьыбыттары куоһаран эрэр

Хамсыгынан ыалдьан баран үтүөрбүт дьон ахсаана билигин ыалдьа сылдьар дьоннооҕор быдан элбээн эрэр. Саха сирин аҕа баһылыга Айсен Николаев иһитиннэрбитинэн, локдаун күннэрэ тураннар маннык үтүө түмүктэргэ кэллибит. Айсен Николаев «Россия-24» тэлэбиидэнньийэ ханаалын интервьютугар: «Уустук быһыы-майгы намыраата. Бүтэһик үс нэдиэлэ устата ыарыы таһымын үрдээһинэ 7-10% эбит буоллаҕына, ааспыт нэдиэлээҕэ – 0,9 % буолла. Хааччах-локдаун күннэрэ көдьүүстээх буоллулар», - диэн эттэ. Ону таһынан, Ил Дархан сытар балыыһаларга 26 % куойка иллэҥин бэлиэтээн эттэ. Итиэннэ, тэрилтэлэргэ киириигэ барытыгар QR куод олохтонон быһыыны ылар дьон ахсаана күннэтэ улаатан иһэрин Саха сирин аҕа баһылыга тоһоҕолоон туран бэлиэтээтэ.

Тарҕат: