Федеральнай суһал ыстаап киинэ иһитиннэрэринэн, өрөспүүбүлүкэҕэ ааспыт нэдиэлэҕэ, сэтинньи 8 күнүттэн 14 күнүгэр диэри COVID-19 ыарыыттан 64 киһи өллө.
Онон, эрэгийиэҥҥэ сыл устатын тухары ыарыы сиэртибэтин ахсаана 1 566 буолла.
стопкоронавирус.рф саайка сурулларынан, Саха сиригэр кэллэктиибинэй иммунитет 54% буолбут. Бастакы быһыыны 429 349 киһи, оттон толору быһыы кууруһун 397 468 киһи ылбыт.
Быһыыны ыла тиийэр буоллахха пааспардаах, мэдиссиинэ пуолустаах уонна СНИЛС-тээх тиийии булгуччулаах.
