Чурапчы улууһугар? Тыа хаһаайыстыбатын күннэригэр анаммыт кэккэ тэрээһиннэр саҕаланнылар. Сэтинньи 19 күнүгэр улуус икки бочуоттаах үлэһиттэрин чиэстиэхтэрэ, итиэннэ Спиридон Яковлев уонна Дмитрий Ноев таһаарбыт кинигэлэрин сүрэхтиэхтэрэ. Ону таһынан, Чурапчы сэлиэнньэтин киин болуоссатыгар тыа хаһаайыстыбатын бородууксуйатын быыстапка-дьаармарката буолуоҕа. Улуус баһылыгын эбээһинэһин солбуйааччы Степан Саргыдаев бэлиэтээбитинэн, туох баар тэрээһиннэр саньытаарынай-эпидемиологическай ирдэбиллэри уонна QR куодтары тутуһан туран ыытыллыахтара.
Сыл бүтүөр диэри Төлөй уонна Чурапчы сэлиэнньэлэригэр, хаарбах дьиэттэн көһөрүү бырагыраама чэрчитинэн хас даҕаны саҥа дьиэлэр тутуллан бүтэн олоххо киириэхтэрэ. Кытаанах нэһилиэгэр Василий Яковлев - Далан аатынан оскуола тутуллан бүтэн, үлэтин саҕалыыра күүтүллэр. Хоптоҕо уонна Дириҥ нэһилиэктэригэр гаас утаҕар холбонуу үлэтэ түмүктэниэҕэ.
Ону таһынан улуус олохтоохторо уопсастыбыннай истиилэргэ, кэлэр сыл бүддьүөтүн дьүүллэһиигэ кыттыахтарын сөп.
«Чурапчы улууһа» МТ
