Ипподром оройуонугар дьэллик ыттар киһиэхэ саба түһүүлэрэ уопсастыбаны улаханнык аймаата.
Көрүүтэ суох кыыллары быстах харайар Пуун дириэктэрэ Екатерина Безрученко биллэрэринэн, Ипподром оройуонугар дьэллик ыттары тутар биригээдэ үлэлии таҕыста.
Пуун дириэктэрэ этэринэн: «Билиҥҥи кэмҥэ бу ыттар биһиги пууммутуттан ыытыллыбыттара диир кыах хайдах да суох. Тутуллан, анал чинчийии аастахтарына барыта чопчуланыаҕа».
Дьокуускай куорат уокуруктааҕы дьаһалтатын пресс-сулууспата
