РФ бэрэсидьиэнэ Владимир Путин, тэлэбиидинньийэнэн быһа эпиирин кэмигэр, төлөпүөнүнэн эрийэн тиийэн ынах көрдөспүт Алеша Сокольниковка ыра санаа оҥостубут хороҕор муостааҕын бэлэхтээтэ. Уол Чурапчы улууһун Арыылаах нэһилиэгиттэн төрүттээх.
Бу туһунан Саха сирин тыа хаһаайыстыбатын министиэристибэтин пресс-сулууспатыттан иһитиннэрдилэр.
Биэдэмистибэ тиэрдэринэн: «Оҕо ынаҕын «Мындаҕаайы» СХПК-ҕа туттарбыт».
Ил Дархан уонна бырабыытылыстыба пресс-сулууспата иһитиннэрэринэн, бүгүн, ахсынньы 2 күнүгэр, Айсен Николаев үлэтинэн Чурапчы улууһугар сылдьыаҕа. Оробуочай сырыы быыһыгар, Ил Дархан Алеша Сокольниковтыын көрсөн сэһэргэһиэҕэ.
