Киир

Киир

Куорат аҕа баһылыга Евгений Григорьев бу күннэргэ, күннээҕи олохпут биир сытыы кыһалҕатын – көҥүлэ суох тутуу (самострой) дьиэлэрин быһаарыы тиэмэтин көтөхтө.

«Биһиги куораппытыгар 282 эбийиэк – көҥүлэ суох тутуу ахсааныгар киирдэ. Бу үлүгэр элбэх тутууну сокуонунан көрүллүбүт ирдэбиллэрин кэһэн туран туппуттар. Мантан сиэттэрэн, кэккэ сытыы кыһалҕалар үөскүүллэр: сир былдьаһыга, албыннаппыт дольщиктар, куорат олохтоохторун дьиэлэрин-уоттарын хааччыйыыга куттал суох буолуу нуормаларын кэһии, нолуоктан куотуу», - диэн Дьокуускай куорат аҕа баһылыга чорботон туран бэлиэтээтэ .

- Холобура, куоракка улахан атыы-тутуу киинэ баар. ИЖС-ка анаммыт учаастакка тутуллубут. Атыы-тутуу уораҕайын тутарга туох да официальнай көҥүл бэриллибэтэх. Бэрэбиэркэ түмүгүнэн, бу тутуу баһаарынай өттүнэн куттала суох буолууга хайдах да эппиэттэспэтин быһаардылар. Хайдах гынан биһиги маннык саарбах дьиэҕэ, дьоҥҥо-сэргэҕэ куттала суох буолууну мэктиэлиэхпитий? Арассыыйаҕа, бу курдук халы-мааргы тутууларга киһи сүтүктээх баһаардар сотору-сотору күүдэпчилэнэллэр. Ол иһин, биһиги суукка сайабылыанньа түһэрэммит, бу тутуу үлэтин тохтоторго уонна көтүрэргэ дьаһал ылынныбыт.

Өссө биир нүдьү-балай холобур - кыһыл зона уонна компенсатор аннынан туох да көҥүлэ суох автосервис туппуттар. Магистралга саахал буолар түгэнигэр ыар содуллар тахсыахтарын сөп.

Биһиги бу боппуруоһу кытаанахтык ылсарга быһаарынан, бу күннэргэ улахан мунньах ыыттыбыт. Суут бириистэптэрэ, борокуротуура, ИДЬМ бэрэстэбиитэллэрэ кыттыыны ыллылар. Уопсай сүбэнэн, биир түмүккэ кэлэн, көҥүлэ суох тутуулары утары охсуһууну 6 тус-туһунан түһүмэххэ араардыбыт:

            -Тутууну булуу;

            - Түбэлтэни докумуоннааһын;

            - Хаамыыһыйа көрүүтэ;

            - Суукка дьыаланы көрүү;

            - Көтүрүү;

- Көтүрүүгэ бараммыт үбү ирдээһин.

Билигин биһиги уон маннык эбийиэктэри көтүрэн эрэбит. Эһиилгиттэн көрдөрүүбүт өссө улаатыаҕа. Ол туһугар биһиги биэдэмистибэлэр икки ардыларыгар үлэни ыытыахпыт, чуолаан “Госстройжилнадзор” тэрилтэни кытта хардарыта үлэ күүһүрүө. Хас кыбаартал ахсын бу курдук састаабынан мустан, суолбутугар тахсан иһэр моһоллору саас-сааһынан туоратан иһиэхпит. Үлэ быыстала суох баран иһэр. Бэйэ тутуу проблематын төрдүттэн суох оҥоруу бүгүҥҥү күннээххэ биһиги улахан сыалбыт-сорукпут буолар, – диэн тоһоҕолоон Евгений Григорьев бэлиэтээтэ .

Дьокуускай куорат дьаһалтатын пресс-сулууспата

Тарҕат:

Санааҕын суруй