«ЭнергоBlago» уопсастыбыннай-туһалаах дьыалалап аахсыйаларынан, «Сахаэнерго» ААУо Кэбээйитээҕи уот ситимин үлэһиттэрэ элбэх оҕолоох уонна кыаммат-түгэммэт ыалларга, кырдьаҕас дьоҥҥо, куттала суох буолуу ирдэбилигэр эппиэттэспэт буолбут эргэ электрическай проводтарын уларыттылар.
«ЭнергоBlago» аахсыйа «Сахаэнерго» ААУо 20 сылыгар ананна. Кэбээйи энергетиктара кэллэктииптэрин иһигэр харчы хомуйан, тустаах электроматериал атыылаһан дьоҥҥо-сэргэҕэ уоттарын уларытар анал үлэ ыыттылар. Ону таһынан волонтердар ыаллар эргэ усчуотчукарын саҥаларга уларыттылар.
Кэбээйи бөһүөлэгин элбэх оҕолоох ыала Софронеевтар волонтердарга махталлара муҥура суох: «Биһиги эргэрбит уоппут систиэмэтин саҥаҕа уларытыах буолбуппут ыраатта да кыах суох этэ. Быйыл эһиги кэлэҥҥит хата барыта этэҥҥэ лоп-бааччы буолла! Эрэх-турах нус-хас сананныбыт!»
Бэйэтин истиҥ махталын Кэбээйитээҕи уот ситимин үлэһиттэригэр тиэрдэр Сангар бөһүөлэгин олохтооҕо Нина Янак тиэрдэр. Кини дьиэтигэр энергетиктэр эргэрбит электропроводкатын, выключателларын уларыппыттар, итиэннэ автоматическай тутуллаах электрощит туруорбуттар.
