Киир

Киир

Кэнники сылларга ППМИ (программа поддержки местных инициатив) диэн олохтоох нэһилиэнньэ кыттыылаах куонкурус,  Саха Өрөспүүбүлүкэтин Үбүн министиэрстибэтэ тэрийэн ыытара тыа нэһилиэктэрэ үлэни-хамнаһы тэрийэллэригэр олус туһалаах хамсааһын буолла.

 Ол курдук, Үөһээ Бүлүү улууһун Балаҕаннаах нэһилиэгэ бу куонкуруска кыайан:  оҕо оонньуур былаһааккатын, уу ситимин үлэҕэ киллэртэрэн, нэһилиэнньэҕэ бэрт сэргэхсийии таҕыста.

7eb4f10c c922 48b4 bda7 bf0d0497b184

Улуус биэс нэһилиэгин халаан уутунан ньүөлсүтэр «Ороһу-Ньэгэдьээк» мелиоративнай систиэмэтин түмүк уута Балаҕаннаах нэһилиэгин хаба ортотунан баар хорууннан кэлэн Бүлүү өрүскэ түһэр.

Бу кэлэн ааһар уу түҥ былыргыттан баар «Алаас» диэн сүөһү уулуур,  дьон иһэр наадатыгар туттар күөлүн халаан уутун кытары илдьэ баран хаалбыта.  Төрүкү уолан былыргы онно эрэ хаалбыта. Күөлү чөлүгэр түһэриигэ 2018 сылга нэһилиэк бэйэтин 500 тыһ. солк. уонна улуус бүддьүөтүтүттэн 1 мөл. солк.  2021 сылга көрөн үлэ бөҕөтүн ыыттыбыт.

2022 сылга салгыы, “Алаас" күөлү чөлүгэр түһэриигэ нэһилиэнньэ мунньаҕын ыҥыран, 158 киһи кыттан нэһилиэк баһылыга С.И. Дмитриев бэрэссэдээтэллээх, М.П. Романова сэкэрэтээрдээх тэрээһин буолла. Баһылык Степан Дмитриев бу бырайыагы ППМИ куонкурсугар киллэрэр туһунан этиитин  манна кэлбит дьон 100 % өйөөтүлэр. Нэһилиэк баһылыгын солбуйаччы М.П.Романоваҕа ППМИ куонкуруһун балаһыанньатын көрөн, документациятын онорон бэлэмнииригэр сорудах бэрилиннэ.

Куонкурус балаһыанньатынан, Үп министиэристибэтиттэн 1.5 мөл. солк. көрүллэр. Нэһилиэнньэттэн 3% - 450000 солк.,  дьаһалта  бүддьүөтүтүттэн  15% - 225 000 тыһ. солк., успуонсардартан 15% - 225 000 тыһ. солк. харчы хомуллар.

Бу иннинэ күөлү чөлүгэр түһэриигэ улуус үбүлээһин көрөн балтараа мөл. солк. үлэ төлөбүрдээх барбыта .

Балаҕаннаах нэһилиэгин дьаһалтата

Ахсынньы 8 күнэ 2021 сыл.

Тарҕат:

Санааҕын суруй