Дьокуускай куораттааҕы үөрэҕирии салалтатын бирикээһигэр этиллэринэн, оскуолаларга уонна оҕо уһуйааннарыгар саҥа дьыллааҕы дьоро сарсыардалар буолаллара көҥүллэниэ, ол эрээри биир усулуобуйалаах –туора дьон киириитэ суох.
Туора дьон ахсааныгар киирдилэр: төрөппүттэр, фотографтар уонна аниматордар. Ону таһынан, саҥа дьыллааҕы тэрээһиннэри оҕо бөлөҕө атын кылаас, бөлөх оҕолорун кытары биир тэҥҥэ көрсөллөрө, тоҕуоруһаллара кыккыраччы бобуллар.
Итиэннэ, бырааһынньыкитар кэннилэриттэн, оҕо тэрилтэлэрин салайааччыларыттан уораҕайдарын кичэйэн туран дезинфекция уонна сууйуу-сотуу үлэтэ барара кытаанахтык ирдэнэр.
Бары бырааһынньыктааҕы тэрээһиннэр 22 чаастан киэһэ хойутуо суохтаахтар. Тымныыны учуоттаан туран, алын кылаас үөрэнээччилэрэ төрөппүт эрэ арыаллаах төннөллөрө булгуччулаах.
Дьокуускай куорат оскуолаларын 1-8 кылааска диэри үөрэнээччилэригэр ыраахтан сылдьан үөрэнии көрүҥүн ахсынньы 7-12 күнүгэр диэри уһаттылар.
Санатар эбит буоллахха былырыын, 2020 сыллаахха Дьокуускай куоракка оҕолорго анаммыт саҥа дьыллааҕы тэрээһиннэр бары төрөппүт кыттыыта суох ааспыттара.
