Алмаастаах кыраай киинигэр дьэндэйэр дьиэ тутулла сатаабыта хас да сыл буолла. Болдьохтоох кэмигэр силигин ситэ илик. Кэккэ биричиинэлэринэн тутуу кыраапыгыттан хаалбыт. Быйыл куорат мээрэ Клим Антонов уонна Мииринэй куорат борокуратуурата тутуллар эбийиэги түргэтэтэргэ бэдэрээччиккэ кытаанах ыйыы биэрдилэр.
Бэлиэтээн эттэххэ, эбийиэк СӨ Архитектураҕа уонна тутуу комплексын министиэристибэтин хонтуруолугар эмиэ турар. Бу монолит-каркаас дьиэни дьон өлүүлэһэн, кыттыһан бэйэтин үбүгэр туттарар. Онон долуйаллара да оруннаах. Тутуу хайдах тэтимнээх баран иhэрин суруналыыска Арассыыйа сокуонунан бэриллэр боломуочуйабынан, эбийиэк туругун туһунан хонтуруолга тутабын. Уруккуну кытары холоотоххо, эбийиэккэ билигин тутуу биллэ тэтимирбит. Бу күннэргэ дьиэ үрүтүн туталлар. Борокуратуура уонна олохтоох былаас дьиэ тутуутун хонтуруолга ылбыттара эрэл кыымын саҕар.
Бу сыл 4-с кыбаарталыгар эбийиэк толору бэлэм буолуохтаах. Мээрийэ, ГАСН (Хонтуруоллааччы биэдэмистибэ) Ростехнадзор бу дьиэ тутуутун салгыы харахтарын далыгар тутан, күүскэ кэтээтэхтэринэ-манаатахтарына сатанар. Бу дьиэҕэ кыбартыыра ыларга куорат саамай улахан тэрилтэтин - АЛРОСА үгүс үлэhитэ кыттыһан тутууга дуогабардаһан харчыларын укпута.
Онон, үбү-харчыны дьиэ тутуутугар укпут дьон быраабын харыстыырга, тутааччы ылыммыт эбээһинэһин, сокуону толору тутуhара булгуччу ирдэниллэр.
Станислав Алексеев, Мииринэй куорат. Ааптар хаартыската.
