Саҥа федеральнай сокуон этэринэн, итирдэр утахтары аны маҕаһыыннарга атыылыыр бобуута уруккунан хаалыа. Ол эрээри, уопастыбыннай аһылык тэрилтэлэригэр төһө баҕар атыыланар буолуоҕа.
Оптуорунньук күн, ХХХII пленарнай мунньахха, Ил Түмэн дьокутааттара, тыа сиригэр итирдэр утахтары атыылыыр туһунан сокуон бастакы ааҕыытын ылыннылар. Бу бастатан туран тыа сирин чөл олохтоох тирэх нэһилиэктэригэр кутталы үөскэтэр. Маннык сокуон ылыллар түгэнигэр, бу нэһилиэнньэлээх пууннарга ханнык баҕар эрэстэрээн дуу, кафе дуу арыйан баран дьону-сэргэни арыгыга сутуйуу көҥүл буолуон сөп.
