Ыам ыйын 15 күнүгэр Норуоттар икки ардыларынааҕы Дьиэ кэргэн күнэ бэлиэтэнэр. Бу бэлиэ күнү бэлиэтиир туһунан ХНТ Генеральнай Ассамблеята 1993 сыллаахха резолюция ылынан турар.
Бу үөрүүлээх күнү баттаһа, Дьокуускайга саҥа арыллыбыт Перинатальнай кииҥҥэ, бу сарсыарда 10 чаас 25 мүнүүтэҕэ кыыс оҕо күн сирин көрдө. Кырачаан бу соторутааҕыта саҥа арыллыбыт кииҥҥэ лоп курдук 1000 оҕонон төрөөтө. Кини ыйааһына 3600 гр., уһуна – 54 см. Апгар шкалатынан (доруобуйа туруга) – 8/9.
Дьиэ кэргэн күнүгэр Перинатальнай кииҥҥэ төрөөбүт оҕолору таһаардылар. Кырачааннарга уонна кинилэр төрөппүттэригэр үтүө доруобуйаны, дьоллоох оҕо сааһы баҕардылар.
Александр Назаров хаартыската.