МииринПАКУ хочуолунайыгар мөлтөх хааччыстыбалаах, лоһугураччы тоҥмут таас чоҕу аҕаланнар ыксаллаах балаһыанньа буолла. Хочуолунай бу таас чоххо кыайан үлэлээбэт балаһыанньаҕа киирэ сырытта.
Бастатан туран, хочуолунайтан туспа турар носуос тэриэбэтэ аккаастаата. Онтон сылтаан дэриэбинэ дьиэлэрэ тоҥуталаан барбыттара. Аны иккис быһылаан – ПАКУ түөрт хочуолуттан биирдэстэрэ тэстэн букатын ыксаабыттара. Оскуола, «Колобок» дьыссаат үлэлэрэ тохтотуллубута.
Иллэрээ күн, Мииринэй куораттан ПТВС өрөмүөннүүр бөлөҕө кэлэн Сүлдьүкээргэ үлэлээтэ. Төрдүс хочуолу оҥордулар, туох баар сылааһы туһанааччыга тириэрдэр утуму туругутан көрдүлэр. Эбиитин, атын чоҕу тиэммит тиэхиньикэ кэллэ.Балаһыанньа арыый көннө. Дьиэлэр сылыйдылар.
Кэмниэ-кэнэҕэс олохтоохтор үөһэ тыыннылар. Хаһааҥҥа диэри?
Станислав Алексеев. Мииринэй куората.
