Киир

Киир

Үөһээ Дьааҥы улууһун Сартаҥ нэһилиэгин хочуолунайын чоҕо тоҥмут. Онон, суһаллык саҥа чоҕу аҕалыы туһунан боппуруос быһаарылла сылдьар.
Бу нэһилиэккэ чоҕу көбүтэн, булкуйан биэрэр тыраахтыр алдьанан хаалбыт эбит.
«Бу эҥээр суол-иис суох буолан, чоҕу тиэрдии кыһыҥҥы суох арылыннаҕына оҥоһуллуо. Оттон билиҥҥи туругунан, нэһилиэккэ 10 хонукка тиийэр чох баар», — диэн ОдьКХ министиэристибэтин пресс-сулууспата иһитиннэрэр.
Үөһээ Дьааҥытааҕы ОДьКХ салаатын дириэктэрин эбээһинэһин толорооччу Сартаҥ нэһилиэгэр тыраахтыр чаастарын аҕалбыт эбит. Онон, билигин спецтехниканы өрөмүөннүү сылдьаллар.
Тарҕат:

Санааҕын суруй

Бүтэһик сонуннар