Саха сиригэр тохсунньу 10 күнүнээҕи туругунан, 85 киһи саҥа хоруона вируһунан сутулунна

Саха сирин суһал ыстаабын киинэ иһитиннэрэринэн, тохсунньу 10 күнүнээҕи туругунан, өрөспүүбүлүкэбитигэр эбии 85 саҥа хоруона вируһунан ыалдьыбыт киһи баара билиннэ:

- Дьокуускайга – 40 киһи,

- Үөһээ Дьааҥыга – 10,

- Мэҥэ-Хаҥаласка – 7,

- Булуҥ, Бүлүү, Нерюнрги оройуоннарыгар – 4-түү,

- Хаҥаласка – 3,

- Алдан, Орто Халыма, Таатта, Чурапчы улуустарыгар – 2-лии,

- Амма, Мииринэй, Өймөкөөн, Томпо, Уус Майда оройуоннарыгар – 1-дии.

Суукка иһигэр өрөспүүбүлүкэ лабаратыарыйаларыгар 1922 хоруона вируһун булууга чинчийии буолбут. Хамсык саҕаланыаҕыттан 1 818 907 тиэст оҥоһуллубут.