2017 сылтан ылата, куораттааҕы бибилэтиэкэҕэ хаппытаалынай өрөмүөн ыытыллар. Номнуо биэс сыл буола охсубут. Ол кэм тухары, бүтүн куорат бибилэтиэкэтэ, муннукка-ханныкка кыбыллан, эрэйдээх быһыыга-майгыга үлэлии олордо.
Аны туран, 2021 сыллаахха сэтинньи 30 күнүгэр, бибилэтиэкэ муннукка үтүрүйтэрбит аҕыйах хосторо өрөмүөн ыытыллаары, сабыллыбыттара. Бибилэтиэкэ хаалбыт хосторун өрөмүөннүүр буоланнар, туох баар үлэһиттэр Московскай уулуссаҕа, урукку УКК эргэ, мас дьиэтигэр көһөн тураллар.
Онно – букатын кыараҕас услуобуйаҕа бибилэтиэкэрдэр барахсаттар туруулаһан үлэлии олороллор.
Кыараҕас эрэ буолбатах, кинигэ аҕыйах. Хаһыат, сурунаал мэлигир.
Ити курдук, бибилэтиэкэбит өрөмүөнүн үлэтэ үмүрүйэр чинчитэ биллибэт. Дьиэни өрөмүөннээччи биригээдэ бастакы этээскэ үлэлиир.
Тутааччылартан биирдэстэрэ, 2022 сыл кулун тутарыгар-муус устарыгар эрэ өрөмүөн үлэтэ үмүрүйүө диэбитэ кырдьык эбит.
Өрөмүөн бүтүөхчэ бүппэтиттэн, биһиги – ааҕааччылар, салҕан бардыбыт.
Станислав Алексеев. Мииринэй куората.
